کراچی: ایف آئی اے نے سعودی عرب سے آنے والے مسافر سکندر حسین کو کراچی ایئرپورٹ پر گرفتار کر لیا۔
ترجمان ایف آئی اے کے مطابق ایف آئی اے امیگریشن کی کراچی ایئرپورٹ پر ایک کارروائی میں سعودی عرب سے آنے والے مسافر سکندر حسین کو گرفتار کیا گیا ہے۔
ترجمان نے بتایا کہ گرفتار ملزم عمرے کی غرض سے سعودی عرب گیا تھا، تاہم اس نے جعلی سفری دستاویزات پر سعودی عرب سے یورپ جانے کی کوشش کی، سکندر حسین کے پاسپورٹ پر شینگن کا جعلی ویزا لگا ہوا تھا اور پاسپورٹ پر امیگریشن کی جعلی اسٹمپس بھی لگی ہوئی تھیں۔
ابتدائی تفتیش کے مطابق ملزم نے 20 لاکھ روپے کے عوض ایجنٹ سے مذکورہ ویزا حاصل کیا تھا، ملزم کو ایجنٹ کی نشان دہی اور مزید قانونی کارروائی کے لیے اینٹی ہیومن ٹریفکنگ سرکل کراچی منتقل کر دیا گیا۔
ڈپٹی ڈائریکٹر امیگریشن فہد خواجہ کی جانب سے ٹیم کی کارکردگی کو سراہا گیا۔
