سعودی عرب کے فرمانروا شاہ سلمان بن عبدالعزیز نے 10 بار خون کا عطیہ دینے والے افراد کو خوشخبری سنادی۔
غیر ملکی ذرائع ابلاغ کے مطابق سعودی فرمانروا نے مملکت میں 10 بار خون کا عطیہ دینے والے 120 افراد کو تیسرے درجے کا‘میڈل آف میرٹ’دینے کی منظوری دے دی ہے۔
رپورٹ کے مطابق ایوانی شاہی نے 120 افراد کی فہرست بھی جاری کی ہے جنہیں شاہی اعزاز دیا جائے گا۔
واضح رہے کہ سلطنت کے آغاز سے ہی خون کا عطیہ دینے والوں کی حوصلہ افزائی کرنے کی روایت قائم ہے، اس سلسلے میں خون کا عطیہ دینے والوں کا ریکارڈ وزارت صحت کے بلڈ بینک میں محفوظ رکھا جاتا ہے۔
سعودی عرب کے تمام شہروں میں قائم بلڈ بینکوں کے علاوہ موبائل یونٹس بھی خصوصی مہم کے تحت مختلف مقامات پربھیجے جاتے ہیں جہاں لوگ آکر خون کے عطیات جمع کراتے ہیں۔
مملکت کے مختلف شہروں میں بنائے گئے بلڈ بینکوں میں عطیہ کیے جانے والے خون کو جدید طریقے سے ذخیرہ کیا جاتا ہے اور ضرورت پڑنے پر مریضوں کو دیا جاتا ہے۔
قبرص میں 133 جعلی شادیاں کرنے والے 15 افراد گرفتار
اس سے قبل بھی خادم حرمین شریفین شاہ سلمان بن عبدالعزیز نے 10 مرتبہ خون کاعطیہ دینے والے 21 غیر ملکیوں کو شاہی تمغے دینے کی منظوری دی تھی۔ خون کا عطیہ کرنے والوں میں صرف سعودی شہری ہی نہیں بلکہ غیر ملکیوں کی بھی بڑی تعداد شامل ہے۔
