جدہ: سعودی عرب کے نئے وزیر دفاع اور وزیر تعلیم نے حلف اٹھا لیا۔
تفصیلات کے مطابق منگل کو شہزادہ خالد بن سلمان نے وزیر دفاع اور یوسف بن عبداللہ البنیان نے وزیر تعلیم کی حیثیت سے حلف اٹھا لیا۔
سعودی خبررساں ایجنسی ایس پی اے کے مطابق اس موقع پر خادم حرمین شریفین شاہ سلمان بن عبدالعزیز اور ولئ عہد شہزادہ محمد بن سلمان بھی موجود تھے۔
نئے وزرا کی تقریب حلف برداری قصر السلام جدہ میں منعقد ہوئی، شاہ سلمان بن عبدالعزیز نے شاہی فرمان جاری کر کے شہزادہ خالد بن سلمان کو وزیر دفاع اور یوسف البنیان کو وزیر تعلیم مقرر کیا تھا۔
#فيديو_واس | أمام #خادم_الحرمين_الشريفين، وبحضور سمو #ولي_العهد..
سمو وزير الدفاع ووزير التعليم يؤديان القسم عقب صدور الأمر الملكي بتعيينهما في منصبيهما الجديدين.#واس pic.twitter.com/Az1CMAWBtr— واس الأخبار الملكية (@spagov) September 27, 2022
حلف اٹھاتے ہوئے سعودی عرب کے نئے وزرا نے عہد کیا کہ ’وہ اپنے دین، پھر اپنے بادشاہ اور وطن عزیز کے مخلص رہیں گے اور کوئی ریاستی راز منکشف نہیں کریں گے۔‘
حلف اٹھاتے ہوئے انھوں نے کہا کہ وہ ’ریاستی مفادات اور قوانین کا تحفظ کریں گے اور اپنی ذمہ داری سچائی، ایمان داری اور اخلاص کے ساتھ ادا کریں گے۔‘