تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب : غیر قانونی کام کرنے والے غیر ملکی گرفتار

ریاض : سعودی عرب میں پولیس نے خفیہ اطلاع پر دس ملزمان کو گرفتار کیا ہے جن پر منی لانڈرنگ اور سعودی شہریوں کے نام سے اپنا کاروبار کرنے کے الزامات ہیں۔

تفصیلات کے مطابق سعودی پولیس نے منی لانڈرنگ اور مقامی شہریوں کے نام سے اپنا کاروبار کرنے والے دس غیر ملکیوں کو گرفتار کیا ہے، سعودی ذرائع ابلاغ کے مطابق یہ کارروائی ایک شہری کی شکایت پر وزارت تجارت اور جدہ پولیس نے مشترکہ طور پر کی۔

سعودی شہری نے اطلاع دی کہ غیر ملکی افراد پرانی عمارت کے ایک فلیٹ میں غیر قانونی سرگرمیوں میں ملوث ہیں، ان کیخلاف تحقیقات کرکے مؤثر کارروائی کی جائے۔

شہری کی شکایت پر ایکشن لیتے ہوئے پولیس نے ان مشکوک غیر ملکیوں کو پولیس اسٹیشن طلب کیا۔ دوران تفتیش شہری کی شکایت درست ثابت ہونے پرغیرملکیوں کو گرفتار کرلیا گیا۔

سعودی شہریوں کے نام پر اپنا کاروبار کرنے والے غیرملکی گرفتار

یاد رہے کہ رواں ماہ کے آغاز میں سعودی حکومت نے مقامی افراد کے نام پر کاروبار کرنے والے افراد کو گرفتار کرکے مقدمہ درج کیا تھا، مذکورہ افراد کے قبضے سے نامعلوم ذرائع سے حاصل ہونے والی بھاری رقم بھی برآمد ہوئی۔

سعودی پولیس، وزارت تجارت، محکمہ ٹریفک، محکمہ صحت، وزارت محنت اور ریاض گورنریٹ کے نمائندوں پر مشتمل مشترکہ کمیٹی نے مختلف بازاروں میں چھاپے مارے، کارروائی کے دوران 56دکانداروں کو گرفتار کرلیا۔

Comments

- Advertisement -