ریاض: سعودی عرب میں پہلا روزہ پیر 6 مئی کو ہونے کی پیش گوئی کی گئی ہے۔
عرب میڈیا کے مطابق سعودی عرب میں پہلا روزہ پیر 6 مئی کو ہونے کا قوی امکان ہے، ماہر فلکیات سدیر الرائی عبداللہ الخضیری کے مطابق مملکت میں رمضان المبارک کا چاند اتوار اور پیر کی درمیانی شب نظر آنے کا امکان ہے۔
سعودی ماہر فلکیات سدیرالرائی عبداللہ الخضیری کا کہنا ہے کہ چاند کی ظاہری ہیئت کے مطابق شعبان کا اختتام 29 کی بجائے 30 تاریخ کو ہوگا۔
مزید پڑھیں: رمضان المبارک کے استقبال کی تیاری ، حرم شریف میں 21 ہزار نئے قالین بچھا دیئے گئے
ان کا کہنا تھا کہ پیر 6 مئی کو پہلا روزہ ہونے کا قوی امکان ہے تاہم سعودی عرب میں رویت ہلال، فلکی حساب کتاب کی بجائے حکومت کی تشکیل کردہ رویت کمیٹی کے اعلان اور سپریم کورٹ کے فیصلے کے مطابق ہوتا ہے۔
واضح رہے کہ پاکستان میں بھی پہلا روزہ 6 مئی بروز پیر کو ہونے کا امکان ظاہر کیا جارہا ہے۔
پاکستان میں رویت ہلال کمیٹی کا اجلاس 5 مئی کو ہوگا، محکمہ موسمیات کا بھی کہنا تھا کہ رمضان المبارک کا چاند 5 اور 6 مئی کی درمیانی شب نظر آنے کا قومی امکان ہے۔
