The news is by your side.

Advertisement

سعودی عرب کا قومی دن “یومِ وطنی” روایتی جوش و جذبے سے منایا گیا

ریاض : سعودی عرب کا 91واں یومِ وطنی انتہائی جوش و خروش سے منایا گیا، اہم شاہراہوں پر ریلیاں نکالی گئیں، شہریوں میں زبردست جوش و خروش پایا گیا۔

سعودی دارالحکومت ریاض سمیت مختلف شہروں کے سی فرنٹ، پارکوں، سڑکوں، چوراہوں، عمارتوں اور شاہراہوں کو سبز سعودی پرچموں کے ساتھ ساتھ سبز اور سفید غباروں اور جھنڈیوں سے سجایا گیا۔

عالمی وبا کورونا وائرس کے باعث دو سال بعد ہونے والے اس یوم الوطنی کے موقع پر تمام تر احتیاطی تدابیر اور ایس او پیز پر عملدرآمد کرتے ہوئے حکومتی اقدامات پر شہری انتہائی پر جوش تھے۔

سعودی عرب کے قومی دن کے موقع پر مملکت بھر میں جشن کا سماں ہے، بڑے شہروں میں آتش بازی کے مظاہرے کیے گئے اور مختلف تقریبات کا انعقاد کیا گیا۔

یاد رہے کہ سعودی عرب کا قومی دن ہر سال 23 ستمبر کو منایا جاتا ہے، مملکت کے بانی شاہ عبدالعزیز آل سعود نے ایک شاہی فرمان کے ذریعے1932ء میں اسی تاریخ کو نجد اور حجاز کا نام تبدیل کرکے مملکت سعودی عرب رکھا تھا۔

سعودی عرب کی جنرل انٹرٹینمنٹ اتھارٹی (جی ای اے) نے قبل ازیں جمعرات کو ہونے والی رنگا رنگ تقریبات کی ایک فہرست کا اعلان کیا تھا۔ وزارت صحت نے تمام شہریوں اور مکینوں پر زور دیا کہ وہ کووِیڈ-19 کے پھیلاؤ کو روکنے کے لیے ان تقریبات کے دوران میں احتیاطی تدابیر پرعمل کریں۔

Comments

یہ بھی پڑھیں