سعودی عرب کا قومی دن: پاکستانی نے پاک سعودیہ دوستی کی انوکھی مثال قائم کردی -
The news is by your side.

Advertisement

سعودی عرب کا قومی دن: پاکستانی نے پاک سعودیہ دوستی کی انوکھی مثال قائم کردی

ریاض : سعودی عرب کا قومی دن سعودیوں کے ساتھ پاکستانیوں نے بھی ملی جوش وجذبے سے منایا، پاکستانی شہری نے فضاء میں جاکر پاک سعودیہ پرچموں کے ساتھ کیک بھی کاٹا۔

تفصیلات کے مطابق سعودی عرب کے88ویں قومی دن کے موقع پر سعودی عرب کے شہریوں کے ساتھ وہاں مقیم پاکستانیوں نے بھی قومی دن انتہائی جوش و خروش اور جذبے سے منایا، ایک پاکستانی شہری نے پیرا شوٹ کے ذریعے فضا میں جاکر پاک سعودیہ پرچموں کے ساتھ کیک بھی کاٹا۔

ایک پاکستانی نوجوان یحییٰ اشفاق جو کہ مختلف انداز میں انوکھے کارنامے سرانجام دینے کے حوالے سے کافی شہرت رکھتے ہیں نے اپنے سعودی دوست کے ساتھ مل کر یہ دن بھی ایک انتہائی مختلف اور انوکھے طریقے سے منایا۔

انہوں نے قومی دن کی خوشی کے موقع پر سعودی عرب کے شہر بدر میں سعودی قومی پرچم کو پیراشوٹ میں سوارہو کر فضا میں لہراتے ہوئے ملک کو خراج تحسین پیش کیا۔

اس کے علاوہ یحییٰ اشفاق اور ان کے دوست نے پاکستان اور سعودیہ کے پرچموں کے ہمراہ فضاء میں ہی کیک بھی کاٹا، عربی قہوے سے لطف اندوز ہوئے اور پاک سعودی دوستی کی ایک نئی اور انوکھی مثال قائم کی. اس موقع پر انتہائی پرجوش اورجذباتی مناظر دیکھنے میں آئے۔

مزید پڑھیں: سعودی عرب کا قومی دن، برج خلیفہ سعودی پرچم کے رنگ میں رنگ گیا

علاوہ ازیں سعودی عرب کے88 ویں قومی دن کے موقع پر اماراتی حکام نے سعودی پرچم کو برج خلفیہ کی زینت بنا دیا، اماراتی وزیر داخلہ انور قرقاش نے کہا ہے کہ ہماری کامیابی کے لیے سعودی ریاست کی کامرانی ضروری ہے۔

Comments

comments

یہ بھی پڑھیں