ریاض : سعودی عرب میں گزشتہ ماہ کے دوران 3ہزار افراد کو فیکٹریوں میں ملازمت پر رکھا گیا جبکہ مملکت میں فیکٹریوں کی تعداد میں بھی خاطر خواہ اضافہ ہوا ہے۔
سعودی وزارت صنعت ومعدنیات نے کہا ہے کہ اکتوبر کے دوران تین ہزار سعودیوں کو فیکڑیوں میں ملازم رکھا گیا ہے جب کہ32فیکڑیوں نے پیداوار شروع کردی ہے۔
سعودی ذرائع ابلاغ کے مطابق وزیر صنعت بندر الخریف کا کہنا ہے کہ سعودی عرب میں اکتوبر کے آخر تک فیکڑیوں کی کل تعداد نو ہزار 600ہوگئی ہے جبکہ ستمبر میں ان کی تعداد نو ہزار 400 تھی۔
انہوں نے کہا کہ صنعتی شعبے نے اکتوبر میں قومی اہداف کے حصول کا سلسلہ بر قرار رکھا ہے، اکتوبر میں 124 کارخانوں کولائسنس جاری کیے گئے جو مستقبل میں روزگار کے پانچ ہزار مواقع فراہم کریں گے۔
انہوں نے مزید کہا کہ کورونا وبا کے باوجود 31 فیکڑیوں نے کام شروع کردیا ہے، وزارت کی رہورٹ میں بتایا گیا ہے کہ 90 کارخانوں پر 1.56 ارب ریال کا سرمایہ لگایا گیا ہے۔
صنعت کے شعبے میں کام کرنے والے 1594 غیر ملکی ملازم چلے گئے ان کی جگہ سعودیوں کا تقرر کیا گیا ہے۔
