The news is by your side.

Advertisement

سعودی حکومت کی نکاح کے قانون سے متعلق اہم ہدایات جاری

ریاض : سعودی حکومت نے نکاح کے قانون سے متعلق اہم ہدایات جاری کی ہیں، جس میں میاں بیوی کے تعلقات کو تقویت دینے کیلئے گائیڈ بک تیار کرنے کا حکم جاری کیا گیا ہے۔

سعودی مجلس شوری نے وزارت انصاف سے کہا ہے کہ نکاح نامے کے ساتھ نئے جوڑے کو زوجین کے حقوق و فرائض کے حوالے سے بھی آگاہ کیا جائے۔

سعودی ذرائع ابلاغ کے مطابق مجلس شوریٰ نے کہا کہ ایک گائیڈ بک تیار کی جائے جس میں شوہر اور بیوی پر ایک دوسرے کے حقوق نیز دونوں کی ذمہ داریوں اور طلاق کی صورت میں فریقین کے حقوق وفرائض کے حوالے سے بتایا گیا ہو۔

مجلس شوریٰ نے وزارت سے کہا کہ وہ ان امور پر گائیڈ بک تیار کرائے اور نکاح کے وقت فریقین سے اس میں درج عہد وپیمان کی پابندی کے لیے دستحط لینے کا نظام بھی لاگو کرے۔

شوریٰ کے ارکان نے یہ مطالبات منگل کو اپنے آن لائن اجلاس میں کیے ہیں جو ڈاکٹر عبداللہ آل شیخ کی صدارت میں ہوا ہے۔

شوری نے وزارت انصاف کو یہ بھی ہدات کی کہ وہ ضرورت مندوں کی مفت قانونی مدد کا طریقہ کار بھی تیار کرے۔ وکلا کی تنظیم سے یکجہتی پیدا کرکے مفت سماجی قانونی معاونت کا پروگرام بنایا جائے۔

مجلس شوری نے وزارت انصاف سے کہا کہ مستقبل میں آن لائن عدالتی نظام کو حتی الامکان وسعت دی جائے اور عدالتی عمل کا معیار متاثر کیے بغیر عدالتی امور زیادہ سے زیادہ آن لائن انجام دینے کا بندوبست کیا جائے۔

Comments

یہ بھی پڑھیں