وزارت حج نے زائرین کو حرمین شریفین مسجد الحرام اور مسجد نبوی ﷺ میں تصاویر یا سیلفی لینے کی گریز کرنے کی ہدایت کی ہے۔
اس حوالے سے وزارت حج سعودی عرب کی جانب سے جاری بیان میں کہا گیا ہے کہ زائرین حرمین شریفین میں تصاویر یا سیلفی لینے سے گریز کریں اور حرمین شریفین کے آداب کو ملحوظ خاطر رکھیں۔
ہدایت نامے میں کہا گیا ہے کہ تصاویر یا سیلفی سے دیگر زائرین کو زحمت اور پریشانی کا سامنا کرنا پڑتا ہے، اس لیے مسجد الحرام، مسجد نبوی ﷺ میں داخلےکے وقت تصاویر یا سیلفی سے گریز کیا جائے جب کہ زائرین حرمین میں ان راستوں پر بھی ڈیرے نہ ڈالیں جو آمدورفت کے لیے مختص ہیں۔
للتصوير في الحرمين الشريفين آدابٌ نلتزم بها، تجنبًا للزحام، ومراعاةً لحركة المعتمرين والزوّار.#مكة_والمدينة_في_انتظاركم_بشوق pic.twitter.com/6Mrq35QIkG
— وزارة الحج والعمرة (@HajMinistry) February 21, 2024
وزارت حج کا یہ بھی کہنا ہے کہ زائرین طواف اور نماز کے دوران فوٹو گرافی میں دوسروں کی پرائیویسی کا خیال کریں۔ بہتر یہی ہے کہ فوٹو گرافی یا سیلفی میں قیمتی وقت ضائع کرنے کے بجائے زائرین یکسو ہو کر عبادت میں زیادہ سے زیادہ وقت گزاریں۔
