The news is by your side.

Advertisement

سعودی حکومت کا تعلیم کے فروغ کیلئے بڑا اقدام

ریاض : سعودی حکومت نے طلباء و طالبات کیلئے آن لائن تعلیم کا سلسلہ شروع کرنے کا فیصلہ کیا ہے، اس حوالے سے تعلیمی اداروں میں مناسب متبادل مہیا کردیے ہیں۔

تفصیلات کے مطابق سعودی عرب کی وزارت تعلیم نے کرونا وائرس سے بچاؤ کیلئے تمام سرکاری و نجی اسکولوں، کالجوں، یونیورسٹیوں، تکنیکی اور تربیتی اداروں میں آن لائن تعلیم کا سلسلہ شروع کرنے کا فیصلہ کیا ہے۔

اس حوالے سے وزیر تعلیم نے ہدایت جاری کی ہے کہ تدریسی سرگرمیاں معطل کرنے کے دورانیے میں فاصلاتی تعلیم اور فرضی اسکولوں (وی اسکول) کو مؤثر کیا جائے تاکہ تعلیمی عمل مؤثر شکل میں معیاری طریقے سے جاری رہے۔

سعودی ذرائع ابلاغ کے مطابق وزارت تعلیم نے آن لائن ایجوکیشن کا سلسلہ جاری رکھنے کے لیے تعلیمی اداروں کو مناسب متبادل مہیا کردیے ہیں۔

سعودی وزارت تعلیم کی خصوصی کمیٹی نے کرونا وائرس کی تازہ صورتحال کی نگرانی کا فیصلہ کیا ہے، نگرانی ضوابط کے مطابق کی جائے گی۔

ترجمان وزارت کا کہنا ہے کہ آن لائن تعلیم کی کارروائی کے سلسلے میں یکجہتی پیدا کریں گے اور طلبہ و طالبات کے ذمہ داران کے استفسارات کے جواب دیں گے۔

fb-share-icon0
Tweet 20

Comments

comments

یہ بھی پڑھیں