تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب : روزگار کی فراہمی کیلئے بڑی اسکیم کا آغاز

ریاض : سعودی عرب میں الاحسا کمشنری کے المبرز شہر میں سماجی فروغ کمیٹی نے روزگار اسکیم کا آغاز کیا ہے۔

اسکیم کے تحت المبرز شہر کے دو محلوں الیحییٰ اور المسعودی میں لوگوں کو آپٹیکل شاپس میں روزگار حاصل ہوگا۔

سعودی ذرائع ابلاغ کے مطابق24 سے 40 سال تک کے سعودی شہریوں کو ملازمتیں ملیں گی۔ کنگ خالد فاؤنڈیشن اس پروجیکٹ کی سرپرستی کر رہی ہے۔ اس پر ایک لاکھ77 ہزار ریال کی لاگت آئے گی۔

پروجیکٹ انچارج احمد العامر نے کہا کہ المبرز شہر میں بہت سے نوجوان بے روزگار ہیں، پروجیکٹ کا مقصد روزگار کے متلاشی نوجوانوں کو روزگار فراہم کرنا ہے۔

انہوں نے کہا کہ پروجیکٹ کے ذمہ داران نے مقامی کمپنیوں اور آپٹیکل شاپس کے مالکان سے نوجوانوں کو روزگار فراہم کرنے کے لیے رابطے کیے ہیں۔ ڈگری ہولڈرز کو ہنگامی بنیادوں پر روزگار دلایا جائے گا، انہیں لیبر مارکیٹ سے متعلق آگاہی دی جائے گی۔

انہوں نے کہا کہ المبرز شہر میں روزگار کے حوالے سے متعدد اسکیموں پر کام ہو رہا ہے۔ تیار کردہ کھانوں کی مارکیٹنگ کی کوشش بھی ہو رہی ہے۔ اسی طرح لڑکیوں کو پھولوں کی مارکیٹنگ اور بچوں کے بال کاٹنے کا ہنر سکھانے کا اہتمام ہو رہا ہے۔

Comments

- Advertisement -