The news is by your side.

Advertisement

سعودی عرب : مکہ مکرمہ اور دیگر شہروں میں تیز بارش کی پیش گوئی

ریاض : سعودی عرب کے محکمہ موسمیات نے مکہ مکرمہ اور اور اس کے آس پاس کے علاقوں میں اس ہفتے گرج چمک کے ساتھ تیز بارش کی پیش گوئی کی ہے۔

محمکہ موسمیات کے قومی مرکز نے ٹوئٹر پر جای ایک بیان میں بتایا ہے کہ اس ہفتے مکہ مکرمہ، عسیر، جازان اور باحہ کے بالائی مقامات پر گرج چمک کے ساتھ بارش کا امکان ہے۔

قومی مرکز کے مطابق تبوک، الجوف، حدود شمالیہ اور حائل ریجن جمعرات اور جمعے کو گرد آلود تیز ہواؤں کی زد میں ہوں گے۔

بیان میں کہا گیا ہے کہ آج پیر اور منگل کو مشرقی ریجن اور ریاض ریجن کے مشرقی مقامات پر گرد آلود ہوائیں چلیں گی۔ ان کا رخ شمال کی جانب ہوگا۔

قومی مرکز نے امکان ظاہر کیا کہ جمعہ اور ہفتے کو مکہ مکرمہ اور مدینہ منورہ کے اندرونی علاقوں اور مشرقی ریجن کے شمالی علاقہ جات میں درجہ حرارت 48 سینٹی گریڈ تک پہنچ جائے گا۔

محکمہ موسمیات کے بیان کے مطابق آئندہ بدھ کو اس سال حقیقی موسم گرما کا پہلا دن ہوگا۔ اس روز مملکت کے بعض علاقوں میں درجہ حرارت معمول سے زیادہ ہوگا۔

Comments

یہ بھی پڑھیں