ریاض: مکہ المکرمہ اور مدینہ منورہ ﷺ میں گرج چمک کے ساتھ بارش ہوئی جس کی ویڈیو بھی سامنے آگئی ہے۔
عرب میڈیا کی رپورٹ کے مطابق مکہ المکرمہ اور مدینہ منورہ میں گرج چمک کے ساتھ بارش کے باوجود زائرین کا طواف معمول کے مطابق جاری رہا۔
بارش کے باعث حطیم میں داخلہ عارضی طور پر روک دیا گیا۔
عرب میڈیا کا کہنا ہے کہ صفائی کا عملہ پانی کی نکاسی کے لیے متحرک ہے چند گھنٹوں بعد نکاسی کا عمل مکمل کرلیا جائے گا۔
Heavy Rain in the Holy Capital pic.twitter.com/VYl9zOrhLv
— Haramain Sharifain (@hsharifain) November 11, 2022
محکمہ موسمیات نے پیش گوئی کی کہ شدید بارشیں مکہ، ریاض، الباحہ اور القاسم کے علاقوں ہوں گی۔
Rain in Masjid Al Haram, Makkah today pic.twitter.com/0jti5se8yO
— Haramain Sharifain (@hsharifain) November 11, 2022
این سی ایم اے کا کہنا ہے کہ جدہ گورنریٹ اور مکہ مکرمہ کے دیگر علاقوں میں منگل کو بادل چھائے ہوئے ہیں اور دوپہر کے وقت خطے کے کچھ حصوں میں گرج چمک کے ساتھ تیز بارش کا امکان ہے۔
سعودی گیزٹ کی رپورٹ کے مطابق مدینہ منورہ ، جازان، حائل، تبوک، الجوف، اور شمالی سرحدی علاقے میں ان دنوں میں ہلکی سے درمیانی بارش ہوگی۔
اس سے قبل این سی ایم کا کہنا تھا کہ مملکت کے بیشتر صوبوں بشمول مکہ المکرمہ، ریاض، الباحہ، عسیر، القاسم، مشرقی صوبہ، تبوک، شمالی سرحدی علاقہ، الجوف اور منگل سے موسم سرما میں ژالہ باری ہوگی۔
