ریاض: سعودی عرب میں غریب خاندانوں کے لیے رہائشی اسکیم کا اعلان کیا گیا ہے جسے شاہی قیادت کی جانب سے مکمل سرپرستی حاصل ہے۔
اردو نیوز کے مطابق سعودی اعلیٰ قیادت کی جانب سے انتہائی ضرورت مند خاندانوں کو مکان فراہم کرنے کی غرض سے فلاحی رہائشی اسکیم جاری کردی گئی ہے۔
خادم حرمین شریفین شاہ سلمان بن عبدالعزیز اور ولی عہد شہزادہ محمد بن سلمان نے اس مد میں 150 ملین ریال کا گراں قدر عطیہ پیش کیا ہے۔
- Advertisement -
شاہ سلمان نے اس مد میں 100 ملین ریال اور ولی عہد شہزادہ محمد بن سلمان نے 50 ملین ریال کا عطیہ پیش کیا ہے۔
سعودی وزیر بلدیات و دیہی و آباد کاری امور ماجد الحقیل نے کہا ہے کہ خادم حرمین شریفین اور ولی عہد نے جو گراں قدر عطیہ پیش کیا ہے اس پر کسی کو تعجب نہیں ہونا چاہیئے، قیادت سرکاری اور نجی اداروں کے فلاحی اور انسانیت نواز پروگراموں کی سرپرستی کرتی رہی ہے۔
