سعودی عرب کی قومی فضائی کمپنی (السعودیہ) اپنی روایات کو برقرار رکھتے ہوئے آن ٹائم پرفارمنس کی عالمی درجہ بندی میں بدستور پہلے نمبر پر براجمان ہے اور مسلسل دوسری مرتبہ یہ سنگ میل حاصل کیا ہے۔
سعودی خبر رساں ادارے ایس پی اے کا اس حوالے سے کہنا ہے کہ انڈیپینڈنٹ ایوی ایشن ٹریکنگ سائٹ سیریم کی جولائی 2024 کی رپورٹ میں یہ بات سامنے آئی ہے کہ سعودی ایئرلائن نے چار براعظموں میں 100 سے زیادہ مقامات کے نیٹ ورک میں 16 ہزار 503 پروازوں کو آپریٹ کیااور 88.12 فیصد کی بروقت آمد اور 88.15 فیصد کی بروقت روانگی کی شرح حاصل کرنے میں کامیاب رہی۔
السعودیہ گروپ کے جنرل منیجرر انجینئر ابراہیم العمر کا کہنا تھا کہ السعودیہ گروپ میں بہترین آن ٹائم پرفارمنس کا حصول ایک بنیادی مقصد رہا ہے کیونکہ اس کا براہ راست تعلق مسافروں کو بہترین سہولیات فراہم کرنے سے ہے۔
اُنہوں نے کہا کہ ہم نے اس سال مصروف سیزن کے دوران اسے کامیابی سے برقرار رکھا ہے، یہ السعودیہ گروپ اور ایوی ایشن انڈسٹری میں متعلقہ سٹیک ہولڈرز کی مشترکہ کوششوں کے باعث ممکن ہوسکا ہے۔
امریکا سمیت متعدد ایئرلائنز نے تل ابیب کیلئے پروازیں معطل کردیں
السعودیہ گروپ کے جنرل منیجرر انجینئر ابراہیم العمر کا کہنا تھا کہ آئندہ چند سالوں میں السعودیہ کو 103 نئے طیارے ملیں گے جو ایئر لائن کی نشستوں کی تعداد کو دگنا کرنے اور نئے عالمی مقامات تک توسیع کرنے کی حکمت عملی کے ساتھ وژن 2030 کے مطابق دنیا کو سعودی عرب کی طرف راغب کرنے کے عزم کے مطابق ہے۔
