ریاض : سعودی عرب کے سرکاری اور نجی اسکولوں میں اتوار سے سالانہ امتحانات شروع ہوگئے, 49لاکھ 80ہزار229 طلبہ بدھ 29 جون تک امتحانات میں مصروف رہیں گے۔
سرکاری خبر رساں ایجنسی ایس پی اے کے مطابق اسکولوں نے پہلے سے امتحانات کی تیاریاں کرکے طلبہ کو رول نمبر سلپ جاری کردی تھی۔
یاد رہے کہ اس سال پہلی مرتبہ سعودی اسکولوں میں تیسرے سمسٹر کے امتحانات ہورہے ہیں۔ پہلے سال میں دو سمسٹر ہوتے تھے۔
وزارت تعلیم نے ٹوئٹر پر طلبہ کو سالانہ امتحانات کی بھرپور تیاری کے مشورہ دیا کہ وہ اپنا نظام الاوقات ترتیب دیں۔
ترجمان وزارت تعلیم ہادایات دی ہیں کہ ہر مضمون کی تیاری کے لیے وقت مقرر کریں۔ اپنے طور پر امتحانات کی پریکٹس بھی کرتے رہیں۔ امتحان کو سر پر سوار نہ کریں اور نیند پوری کریں۔
