ریاض: سعودی عرب میں گزشتہ 24 گھنٹوں کے دوران کروناوائرس کے 421 نئے کیسز رپوٹ ہوئے جس کے بعد مملکت میں مہلک وائرس سے متاثرہ مریضوں کی تعداد 3 لاکھ 38 ہزار 132 ہوگئی۔
غیرملکی خبررساں ادارے کی رپورٹ کے مطابق سعودی عرب میں کروناوائرس کے نئے کیسز رپورٹ ہونے کے بعد مجموعی مریضوں کی تعداد 3 لاکھ 38 ہزار 132 ہوگئی ہے۔
رپورٹ کے مطابق سعودی محکمہ صحت نے اپنے تازہ اعداد وشمار میں بتایا ہے کہ گزشتہ 24 گھنٹوں کے دوران کرونا کے 5 مریضوں کی اموات ہوئیں، جبکہ کرونا سے صحت یاب مریضوں کی تعداد میں بھی اضافہ ہورہا ہے۔
مملکت میں کرونا مریضوں کی مجموعی طور پر اموات کی تعداد 4 ہزار 972 ہوگئی ہے۔ گزشتہ 24 گھنٹے میں 561 مریض صحت یاب ہوئے، سعودی عرب میں صحت یاب مریضوں کی شرح 95.75 ہوگئی۔
کرونا کے نئے کیسز زیادہ تر سعودی شہر مدینہ، مکہ اور ینبو میں رپورٹ ہوئے، مملکت میں فعال کیسز کی تعداد 9 ہزار 391 ہے۔ جبکہ 879 مریضوں کی حالت تشویش ناک ریکارڈ کی گئی۔