ریاض : سعودی حکومت نئے کرونا وائرس سے بچاؤ کیلئے اہم اقدامات کرتے ہوئے تمام شیشہ مراکز اور قہوہ خانوں میں شیشہ پینے پر سخت پابندی عائد کردی ہے۔
تفصیلات کے مطابق سعودی وزارت بلدیات و دیہی امور نے مملکت میں کرونا وائرس سے بچاؤ کیلئے اہم اقدامات کیے ہیں، اس حوالے سے حکام نے کرونا وائرس کے باعث احتیاطی تدابیر پر عمل کرتے ہوئے سعودی عرب کے تمام شہروں میں شیشہ پر پابندی عائد کردی ہے۔
وزارت بلدیات ودیہی امور کا کہنا ہے کہ شہریوں اور مقیم غیر ملکیوں کی سلامتی اور حفظان صحت کے لیے شیشہ پیش کرنے پر پابندی لگائی جارہی ہے۔
وزارت نے کہا کہ صحت کے ماہرین نے مشورہ دیا ہے کہ شیشہ متعدی بیماریوں کی منتقلی کا آسان اور عام ذریعہ ہوسکتا ہے،
وزارت نے بتایا ہے کہ کرونا کے انسداد کے لیے کی جانے والی کوششوں کے پیش نظر اور شیشہ کے ذریعہ متعدی بیماریاں پھیلنے کے خدشے کے باعث وقتی طور پر اس پر پابندی لگائی جا رہی ہے۔
وزارت بلدیاتی و دیہی امور کی طرف سے شیشے پر پابندی عائد کرنے کے بعد جدہ، ریاض، دمام اور دیگ تمام شہروں میں شیشہ مراکز اور قہوہ خانوں نے شیشہ فراہم کرنا بند کردیا گیا ہے۔
