The news is by your side.

Advertisement

سعودی عرب: نشہ آور گولیاں اسمگل کرنے کی کوشش ناکام

ریاض: سعودی حکام نے بڑی مقدار میں نشہ آور گولیاں اسمگل کرنے کی کوششوں کو ناکام بنا دیا، حکام نے 3 ملزمان کو گرفتار بھی کیا ہے۔

سعودی ویب سائٹ کے مطابق سعودی محکمہ کسٹم نے بڑی مقدار میں نشہ آور گولیاں اسمگل کرنے کی 2 کوششوں کو ناکام بنا دیا، جدہ کی بندرگاہ پر آنے والی شپمنٹ کے ذریعے نشہ آور گولیاں اسمگل کرنے کی کوشش کی جارہی تھی جن کی مجموعی تعداد 8.3 ملین بتائی جاتی ہے۔

کسٹم اینڈ ٹیکس و زکواۃ اتھارٹی کا کہنا ہے کہ جدہ کی اسلامی بندرگاہ پر آنے والی پیاز کی ایک شپمنٹ کا معائنہ کیا گیا جس میں نشہ آور گولیاں چھپائی گئی تھیں، اسمگل کی جانے والی گولیوں کی مجموعی تعداد 30 لاکھ 54 ہزار تھی۔

نشہ آور گولیوں کی اسمگلنگ کی دوسری کارروائی سیلیکون گلو کی بالٹیوں کے ذریعے کی جارہی تھی۔ ملزمان نے سیلیکون گلو کے ڈبوں میں نشہ آور گولیاں انتہائی مہارت سے چھپائی تھیں جن کی تعداد 52 لاکھ 81 ہزار 250 تھی۔

کسٹم اتھارٹی کی ٹیموں نے انتہائی مہارت سے اسمگل کی جانے والی منشیات کا سراغ لگایا جس کے لیے پولیس کے تربیت یافتہ کتوں کو بھی استعمال کیا گیا، کسٹم اتھارٹی نے منشیات اسمگل کرنے والے ملزمان کو گرفتار کرلیا جن کی تعداد 3 ہے۔

سعودی حکام ملزمان سے تفتیش کر رہے ہیں۔

Comments

یہ بھی پڑھیں