ریاض : سعودی عرب میں ملکی و غیر ملکی افراد کیلئے روزگار کی فراہمی اور ان کی فلاح بہبود کیلیے اہم اقدامات کیے گئے ہیں، جس کے تحت 38ہزار افراد کو روزگار ملا۔
سعودی پریس ایجنسی کی رپورٹ کے مطابق رواں سال کی پہلی ششماہی میں وزارت برائے انسانی وسائل اور سماجی ترقی کی طرف سے 45ہزار سے زائد ’تمکین‘ سے مستفید افراد کی مدد کی گئی، جن میں سے تقریباً 38ہزار نے ملازمتیں حاصل کیں۔
تمکین کیا ہے؟
’تمکین‘ سعودی عرب میں واقع ایک صنعتی اور تجارتی کمپنی ہے جسے تمکین گروپ بھی کہا جاتا ہے، یہ ادارہ لوگوں کو ملازمت کے مواقع، کاروباری منصوبوں کے لیے معاونت اور فنی تربیت فراہم کرتا ہے۔ اس کا مقصد لوگوں کے معیار زندگی کو بہتر بنانا اور ان کی مالی خودمختاری کو فروغ دینا ہے۔
یہ پروگرام تین بنیادی پلیٹ فارمز پر کام کرتا ہے جن میں ملازمت، اقتصادی، مالی اور غیر مالی مدد کے ساتھ اہلیت و تربیت شامل ہیں۔
سعودی عرب کی وزارت کے اعداد وشمار کے مطابق سال 2024 کے وسط تک 10,813 سے زائد مستفیدین نے ملک بھر میں سماجی تحفظ کے دفاتر میں 423 تربیتی کورسز اور ورکشاپس مکمل کیں۔
