The news is by your side.

Advertisement

سعودی عرب : شہریوں کی بڑی مشکل کو آسان کردیا گیا

ریاض : سعودی عرب میں بازاروں اور سرکاری دفاتر میں داخلے کے حوالے سے شہریوں کی پریشانی کو مدنظر رکھتے ہوئے توکلنا ایپ نے لنک جاری کر دیا ہے۔

سعودی عرب کے سرکاری و نجی اداروں نے توکلنا ایپ دکھائے بغیر بازاروں اور پبلک مقامات میں داخلے پر پابندی لگادی ہے جس کے باعث بہت سے لوگ توکلنا ایپ ڈاؤن لوڈ کر رہے ہیں اس سلسلے میں شہریوں کو توکلنا ایپ میں رجسٹریشن کرانے میں مسائل کا سامنا ہے جس کے لیے توکلنا ایپ نے لنک جاری کرکے ان کی مشکل کو آسان کردیا ہے۔

سعودی ذرائع ابلاغ کے مطابق اس حوالے سے توکلنا ایپ انتظامیہ نے کہا ہے کہ سرکاری اداروں، بازاروں اور پبلک مقامات میں توکلنا ایپ کے بغیر داخلے پر پابندی لگانے کے بعد ایپ میں رجسٹریشن کی شرح میں بہت زیادہ اضافہ ہو گیا ہے۔

اس وجہ سے بہت سے لوگوں کو رجسٹریشن میں دقت کا سامنا ہے بعض لوگوں کی رجسٹریشن مسترد ہو رہی  ہے۔ انتظامیہ نے کہا ہے کہ ایسے تمام ٹیکنیکل مسائل کے حل کے لیے صارفین کو چاہیے کہ وہ توکلنا ایپ کی ویب سائٹ پر رجسٹریشن کرائیں۔

انتظامیہ کے مطابق توکلنا ایپ کی ویب سائٹ پر اکاؤنٹ کھولنے کے بعد ایپ میں لاگ ان ہوا جاسکتا ہے۔ توکلنا ایپ کی ویب سائٹ میں رجسٹریشن کرنے کے لیے یہاں کلک کریں۔

واضح رہے کہ ریاض، تبوک، مشرقی ریجن اور دیگر متعدد ریجنوں کی گورنریٹ کے فیصلے کے مطابق شاپنگ مالز، سرکاری ادارے اور پبلک مقامات میں داخلے کے لیے توکلنا ایپ دکھانا ضروری ہے۔

Comments

یہ بھی پڑھیں