ریاض: سعودی فرمانروا خادم الحرمین الشریفین شاہ سلمان بن عبدالعزیز نے غیرملکیوں کو مملکت کی شہریت دینےکا شاہی فرمان جاری کردیا۔
بین الاقوامی میڈیا رپورٹس کے مطابق سعودی عرب کی معیشت کو مزید مستحکم کرنے کی غرض سے دنیا بھر کے ذہین پیشہ ور افراد کی صلاحیتوں سے فائدہ اٹھانے کے لیے انہیں شہریت دینے کی منظوری دی گئی ہے۔
#السعودية تعتزم تجنيس "المبدعين" والمتميزين في كل أنحاء العالم من علماء الطب والتقنية والعلوم الشرعية والكفاءات الثقافية والرياضية pic.twitter.com/Cp0NzXBsWc
— مشاريع السعودية (@SaudiProject) December 4, 2019
شاہی فرمان کے تحت مختلف شعبوں میں ممتاز پیشہ ور افراد کے ساتھ ساتھ جوہری اور قابل تجدید توانائی، طب ، دواسازی ، کمپیوٹر سائنس ، تیل ، مصنوعی ذہانت ، روبوٹکس ، ماحولیات ، خلابازی ، ہوا بازی ، ثقافت ، کھیل اور آرٹس میں مہارت رکھنے والوں کو شہریت سے نوازیا جائے گا۔
یہ بھی پڑھیں: سعودی عرب میں غیر ملکی ملازمین پر نئی تلوار لٹکنے لگی
مملکت کا یہ اقدام وژن 2030 کا حصہ ہے جس کے تحت تیل پر انحصاری کے ساتھ ساتھ دیگر شعبوں میں ترقی کے ذریعے معیشت کو دوام بخشنا ہے اور اس ضمن میں سخت گیر قوانین میں اصلاحات لاکر طویل مدتی پالیسیوں سے منافع بخش منصوبوں کی بروقت تکمیل کو ممکن بنانا ہے۔
واضح رہے کہ اس سے قبل متحدہ عرب امارات نے بھی دنیا بھر کے ذہین اور باصلاحیت افراد کو مختلف شعبہ ہائے زندگی میں پیشہ وارانہ مہارت کے عوض شہریت دینے کا اعلان کیا تھا۔
