ریاض:سعودی وزارت ثقافت کی جانب سے اہم اعلان سامنے آیا ہے جس میں کہا گیا ہے کہ اب اسکولوں میں بچوں کو موسیقی لرننگ کورس کرایا جائے گا۔
بین الاقوامی خبر رساں ادارے کی رپورٹ کے مطابق سعودی عرب میں اسکولوں میں بچوں کو موسیقی سکھانے کے لیے اساتذہ کی اہلیت کی خاطر دو سالہ ڈپلوما کورس متعارف کرایا گیا ہے۔ ڈپلوما کورس کا آغاز رواں ماہ ستمبر میں ہوگا۔
ریاض میں ہاؤس آف میوزک ہائر انسٹی ٹیوٹ نے وزارت ثقافت سے منظور شدہ پہلا میوزک ڈپلومہ شروع کیا ہے، جسے سعودیہ میں اپنی نوعیت کا پہلا موسیقی لرننگ کورس کہا جائے تو غلط نہ ہوگا،
یہ نئی نسل کے مستقبل کی امنگوں کے مطابق اقدام ہے جبکہ یہ تعلیم اور موسیقی کی کارکردگی کے ٹریکس کے ذریعے تعلیم کے میدان میں ایک معیاری پیش رفت کی عکاسی کرتا ہے۔
انسٹی ٹیوٹ کے ایگزیکٹو ڈائریکٹر معتز الشبانہ نے انسٹی ٹیوٹ کے ایگزیکٹو ڈائریکٹر معتز الشبانہ نے پیر کے روز انسٹی ٹیوٹ کے ہیڈ کوارٹر میں وزارت ثقافت برائے قومی شراکت داری اور ترقی کے انڈر سیکرٹری نھیٰ قطان، صحافیوں، موسیقاروں اور دیگر افراد کی موجودگی کے دوران میڈیا سے بات کی، اس موقع پر اُن کا کہنا تھا کہ ڈپلومہ پروگرام ستمبر کے مہینے میں شروع ہوگا۔
انسٹی ٹیوٹ کے ایگزیکٹو ڈائریکٹرنے نشاندہی کی کہ پروگرام میں دو ٹریک شامل ہیں۔ پہلا موسیقی کی تعلیم اوردوسرا موسیقی کی کارکردگی ہے۔
موسیقی لرننگ کورس دو سال کی مدت میں ختم ہوگا، اس پروگرام کا مقصد موسیقی کی ثقافت کو ایک آفاقی زبان کے طور پر پھیلانے میں اہم کردار ادا کرنا ہے، جبکہ یہ پروگرام دیگر ثقافتوں کے ساتھ رابطے کے لیے ایک اہم کردار ادا کرے گا۔
