ریاض : سعودی حکومت نے ملک میں کرپشن کی روک تھام سلسلے سرکاری اداروں کے مالی معاملات کی نگرانی کےلیے فنانشل رپورٹنگ آفس قائم کردیا۔
تفصیلات کے مطابق سعودی عرب میں گزشتہ دو برس سے بد عنوانی اور کرپٹ سعودی افسران و شہزادوں کے خلاف حکومتی کریک ڈاؤن جاری ہے، کرپشن کے خلاف کے جاری مہم کے تحت حکام نے سرکاری اداروں کے اخراجات کی نگرانی کےلیے ایک نیا دفتر قائم کیا ہے۔
عرب میڈیا کا کہنا ہے کہ نیا فنانشیل رپورٹنگ دفتر جنرل آڈٹنگ بیورو کا حصہ ہوگا جو سرکاری محکموں بے ضابطگیوں سے نظر رکھے گا اور پبلک پراسیکیوٹر کسی کی بھی تحقیقات کرسکتے ہیں۔
سعودی ولی عہد محمد بن سلمان کی جانب سے بنائی گئی انسداد کرپشن کمیٹی نے دو روز قبل اپنی رپورٹ جمع کرائی شاہ سلمان کو جمع کرائی تھی جس میں کہا گیا تھا کہ کمیٹی نے اپنا کام مکمل کرلیا ہے، کمیٹی کی رپورٹ پر سعودی ولی عہد نے دستخط کیے تھے جس کے بعد کرپشن کے خلاف نومبر 2017 میں شروع کی گئی مہم ختم کردی گئی۔
مزید پڑھیں : سعودیہ: انسداد بدعنوانی کمیٹی کی کارروائی مکمل، 4 کھرب ریال وصول
سعودی عرب کی اینٹی کرپشن کمیٹی نے کاروباری شخصیات، شہزادے اور سابق وزراء سمیت متعدد کرپٹ افراد کے خلاف کارروائی کرتے ہوئے ان سے 4 کھرب ریال (106 ارب ڈالر) کی رقم وصول کرکے واپس قومی خزانے میں جمع کی تھی۔
یاد رہے کہ اینٹی کرپشن کمیٹی کی جاری کردہ رپورٹ کے مطابق بدعنوانی میں ملوث 8 افراد نے عدالت میں کیس جاری رکھنے کا فیصلہ کیا، 87 افراد کو مختلف معاہدوں کے بعد چھوڑ دیا گیا جبکہ 56 ملزمان پر فوج داری مقدمے زیر سماعت ہیں جس کے باعث ان سے کوئی معاہدہ نہیں کیا گیا۔
