ریاض : سعودی عرب میں سیاحت کی غرض سے جانے والوں کیلئے حکومت کی جانب سے خاص سہولت فراہم کی گئی ہے جس کے تحت سیاحوں کو اپنے کاموں اور سفر میں دشواری پیش نہیں آئے گی۔
اس حوالے سے سعودی عرب میں سیاحتی امور کے ماہر خالد الفریدۃ نے کہا ہے کہ سیاحوں کو ٹور آرگنائزر لائسنس حاصل کرنے کا حق ہے۔
مقامی میڈیا سے گفتگو کرتے ہوئے الفریدۃ نے کہا کہ مملکت آنے والے سیاح اپنا گروپ تشکیل دینے کے لیے ’ٹور آرگنائزر‘ لائسنس حاصل کرنے کی درخواست کرسکتا ہے۔
سیاحتی ادارے کی جانب سے یہ حق اس لیے دیا گیا ہے تاکہ بغیر لائسنس کے آرگنائزر کی حیثیت سے کام کرنے پر جواب دہی کی مشکل میں نہ پڑ جائے یا اسے ایسا کرنے پر بلیک لسٹ نہ ہونا پڑے۔
الفریدۃ نے مزید کہا کہ مملکت میں بہت سے ٹورسٹ آرگنائزر اندراج کے بغیر کام کرنے لگتے ہیں ایسا کرنے کی وجہ سے سیاحوں کو وہ جو سہولتیں فراہم کرتے ہیں ان کی اہمیت کم ہوجاتی ہے۔
وزارت سیاحت نےخبردار کیا ہے کہ ٹورسٹ آرگنائزنگ لائسنس نہ رکھنے والوں کے ساتھ کسی قسم کا معاملہ نہ کیا جائے۔
وزارت سیاحت نے توجہ دلائی ہے کہ ٹورسٹ آرگنائزر کا لائسنس وزارت جاری کرتی ہے۔ یہ لائسنس صرف ان لوگوں کو دیا جاتا ہے جو معیاری خدمت فراہم کرتے ہیں اور اس امر کو یقینی بنانے کے لیے مقررہ شرائط پر پورے اترتے ہیں۔
