سعودی عرب : ٹرین مسافروں کیلئے حکومت کا اہم اقدام

ریاض : سعودی محکمہ ریلوے "سار” نے آئندہ جمعرات31 مارچ سے ریاض تا القریات ٹرین چلانے کا اعلان کیا ہے، ٹرین کا افتتاح ایک دن قبل کیا جائے گا۔

سرکاری خبر رساں ایجنسی ایس پی اے کے مطابق سار کی انتظامیہ نے اپنے بیان میں کہا کہ القریات کے لیے بکنگ پیر21 مارچ سے شروع ہوجائے گی۔ یاد رہے کہ ریاض سے القریات کا فاصلہ 1215 کلو میٹر ہے۔

سار انتظامیہ کے مطابق ماہ رواں 30 مارچ کو القریات ریلوے اسٹیشن کا افتتاح کیا جا رہا ہے۔یاد رہے کہ القریات ریلوے سٹیشن الشمال مسافر ٹرین منصوبے کا چوتھا اور آخری مرحلہ تھا۔

سار نے مسافروں سے کہا ہے کہ جو اس روٹ پر سفر کے لیے بکنگ کرانا چاہتے ہوں وہ کمپنی کی ویب سائٹ یا موبائل ایپ کے ذریعے ایسا کرسکتے ہیں۔

Comments