The news is by your side.

Advertisement

سعودی عرب : سیاحوں اور عمرہ زائرین کیلئے بڑی سہولت کی فراہمی

ریاض : سعودی عرب میں وزٹ، عمرہ اور سیاحتی ویزے پر آنے والوں کے لیے میڈیکل انشورنس میں کورونا وائرس کے علاج کی سہولت بھی شامل کردی گئی ہے۔

سعودی سینٹرل بینک ساما اور کوآپریٹو ہیلتھ انشورنس کونسل نے بیرون ملک سے سیاحت، زیارت اور عمرے کے لیے آنے والوں کے میڈیکل انشورنس میں کورونا وائرس سے پیش آنے والے خطرات کو بھی شامل کیا ہے۔

الاقتصادیہ کے مطابق ساما اور کوآپریٹو ہیلتھ انشورنس نے کوویڈ 19 کا اضافہ اس غرض سے کیا ہے کہ اگر سیاحت یا زیارت یا عمرے کے لیے کوئی غیرملکی سعودی عرب آئے اور وہ کوویڈ19 میں مبتلا ہوجائے تو اسے علاج کی سہولتیں انشورنس اسکیم کے تحت فراہم ہوسکیں۔

یہ اضافہ عوام کی صحت و سلامتی کو یقینی بنانے اور غیرملکیوں کو علاج کی سہولتیں آسانی سے فراہم کرنے کی غرض سے کیا گیا ہے۔

میڈیکل انشورنس اسکیم میں کوویڈ 19 کے اضافے سے بیرون ملک سے آنے والوں کا وبا لگنے کی صورت میں علاج، ہیلتھ آئسولیشن کارروائی کے اخراجات اور ہنگامی صورت میں فضائی ایمبولینس کی لاگت اسکیم کا حصہ ہوگی۔

Comments

یہ بھی پڑھیں