کراچی: سعودی عرب میں رہ جانے والے عمرہ زائرین کو کراچی پہنچا دیا گیا ہے، حکومت پاکستان کی مداخلت پر درجںوں مسافر وطن پہنچے۔
تفصیلات کے مطابق اے آر وائی نیوز کی خبر پر ایکشن لیتے ہوئے عمرہ کےلیے جانے والے عازمین جو سعودی عرب میں رہ گئے تھے ان افراد کو کراچی پہنچا دیا گیا، نجی ایئرلائن کا طیارہ چھوٹا ہونے پر 60 سے زائد افراد کو سعودیہ میں آف لوڈ کیا گیا تھا۔
60 سے زائد عمرہ زائرین سعودی عرب میں پھنس گئے
12 اپریل کو جدہ میں آف لوڈ عمرہ زائرین کو مکہ مکرمہ ہوٹل منتقل کیا گیا تھا، حکومت پاکستان کی مداخلت کے بعد عمرہ زائرین کو نجی ایئرلائن سے کراچی پہنچایا گیا۔
زیادہ تر عمرہ زائرین کا تعلق سانگھڑ کے گاؤں جعفرلغاری سے ہے، کراچی ایئرپورٹ پہنچنے پر عمرہ زائرین کے عزیزواقارب نے استقبال کیا۔
