کراچی: سعودی عرب نے مسافروں کے لیے نئی ہدایت جاری کر دی ہے۔
تفصیلات کے مطابق عمرہ ویزا رکھنے والے مسافروں کے لیے سعودی حکومت نے نئی شرط عائد کی ہے، دنیا بھر کی ایئر لائنز کو سعودی ایوی ایشن کی جانب سے نیا ہدایت نامہ جاری کر دیا گیا ہے۔
جاری ہدایت نامے کے مطابق اب ہر سال 15 شوال کے بعد عمرہ ویزا رکھنے والے مسافروں کو سعودی سفر کرنے کی اجازت نہیں ہوگی، ایئر لائنز کو نئی ہدایت پر سختی سے عمل کرنے کا حکم دیا گیا ہے۔
سعودی عرب نے غیرملکیوں کے لیے نئی ہدایات جاری کردیں
سعودی ایوی ایشن نے کہا ہے کہ شوال کی 15 تاریخ کے بعد ایئر لائنز عمرہ ویزے والے مسافروں کو بورڈنگ نہ دیں، خلاف ورزی کرنے پر مسافروں اور ایئر لائنز کے خلاف سعودی ایوی ایشن قوانین کے مطابق کارروائی ہوگی۔
