The news is by your side.

Advertisement

سعودی عرب میں غیرملکی گاڑیوں کی مدت کتنی ہے؟ جرمانہ کیا ہوگا؟

ریاض : سعودی عرب میں غیرملکی نمبر پلیٹ والی گاڑیاں ایک مخصوص عرصے تک مملکت میں رہ سکتی ہیں، مقررہ مدت کے بعد مالکان کیخلاف بھاری جرمانہ عائد کیا جائے گا۔

سعودی زکوٰۃ، ٹیکس اور کسٹم اتھارٹی نے کہا ہے کہ غیرملکی نمبر پلیٹ والی گاڑیاں سعودی عرب میں صرف تین ماہ تک قانونی طور پر رہ سکتی ہیں۔

سعودی ذرائع ابلاغ کے مطابق اتھارٹی نے بیان میں کہا کہ اگر کوئی غیرملکی نمبر پلیٹ والی گاڑی تین ماہ کے بعد مملکت میں رکھی گئی تو ایسی صورت میں اس پر یومیہ20 ریال جرمانہ ہوگا۔

اس کی انتہائی حد گاڑی کی کُل قیمت کا دس فیصد مقرر ہے، زیادہ سے زیادہ گاڑی کی کل قیمت کا دس فیصد تک جرمانے کے طور پر وصول کیا جاسکتا ہے۔

اتھارٹی کا کہنا ہے کہ جو لوگ غیرملکی نمبر پلیٹ والی گاڑی سعودی عرب لاتے ہیں ان سے اس کا اصلی استمارہ (وہیکل رجسٹریشن) طلب کیا جاتا ہے۔

اس حوالے سے ضروری ہے کہ استمارہ مؤثر ہو اور گاڑی کا ڈرائیور اس کا مالک ہو اگر گاڑی کا ڈرائیور مالک نہ ہو تو اس کے پاس مالک کی جانب سے ڈرائیونگ کا مختار نامہ ہو جسے کسٹم پوسٹ سے گزرتے وقت طلب کیا جائے گا۔

Comments

یہ بھی پڑھیں