ریاض: سعودی عرب میں وزٹ اور ٹرانزٹ ویزوں کا نیا نظام متعارف کرانے کا فیصلہ کیا گیا ہے۔
عرب میڈیا کے مطابق سعودی عرب میں وزٹ اور ٹرانزٹ ویزوں کا نیا نظام اسٹیکر کی جگہ کیو آر کوڈ ہوگا، کابینہ نے منظوری دے دی۔
شاہ سلمان بن عبدالعزیز کی زیر صدارت ہونے والے اجلاس میں سعودی کابینہ نے ویزوں کے لیے نئے طریقہ کار کی منظوری دی، پاسپورٹ پر اسٹیکرز کی بجائے اب ای ویزا جاری ہوگا، جس پر کیو آر کوڈ ہوگا۔
- Advertisement -
سعودی دفتر خارجہ کا کہنا ہے کہ یہ فیصلہ ملازمت، اقامہ اور وزٹ اور ٹرانزٹ ویزوں کا نیا سسٹم متعارف کرانے والی پالیسی کے تحت کیا گیا ہے۔
پہلے مرحلے میں ای ویزا سسٹم 7 ممالک میں نافذ کیا جا رہا ہے، آن لائن اجرا متحدہ عرب امارات، اردن، مصر، بنگلا دیش، انڈیا، انڈونیشیا اور فلپائن میں ہوگا۔
