سعودی عرب کے موسمیات کے قومی مرکز کا کہنا ہے کہ مملکت کے بعض علاقوں میں بارش جبکہ کہیں گردوغبار کا سلسلہ رات گئے تک جاری رہے گا۔
سعودی خبر رساں ادارے سبق نیوز کے مطابق محکمہ موسمیات کا کہنا ہے کہ مکہ مکرمہ ریجن کے علاقے طائف، الکامل اورخلیص کے علاوہ الخرمہ اور المویہ میں گردو غبار کا سلسلہ جاری ہے۔
قومی مرکز کا کہنا ہے کہ الشعیبہ، القنفذہ،تربہ، رنیہ، الجموم، بحرہ اور اللیث بھی گردو غبار کی لپیٹ میں رہنے کا امکان ہے۔
نجران اور عسیر کے علاقوں میں تیز ہواؤں کے ساتھ شروع ہونے والی بارش کا سلسلہ وقفے وقفے سے جاری رہے گا۔
قومی مرکز کے مطابق جمعے کو مملکت میں سب سے زیادہ درجہ حرارت 47 سینٹی گریڈ الاحساء میں ریکارڈ کیا گیا جبکہ سب سے کم درجہ حرارت 16 سینٹی گریڈ السودہ میں ریکارڈ کیا گیا۔
حائل اور العلا میں 44 جبکہ مکہ مکرمہ اور سکاکا میں 43، جدہ میں 40، ریاض، دمام، الخرج اور حفرالباطن میں 46، مدینہ منورہ، ینبع اور بریدہ میں 45، ابہا میں 30 اور الباحہ میں 29 سینٹی گریڈ درجہ حرارت ریکارڈ کیا گیا۔
ویڈیو: ہلک ہوگن نے ٹرمپ کی ’بنیان پھاڑ‘ حمایت کر دی
مدینہ منورہ کے نواحی علاقے بھی گردو غبار کی لپیٹ میں رہے، بدر اور ینبع میں موسم گرم رہنے کی پیش گوئی کی گئی ہے۔
