تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

سعودی عرب : ملازمت پیشہ خواتین کو بڑی سہولت مل گئی

ریاض : سعودی حکومت نے مختلف شاپنگ مالز میں کام کرنے والی خواتین کی مشکلات کے پیش نظر فیصلہ کیا ہے کہ تجارتی مراکز اور مالز میں بچوں کی دیکھ بھال کیلئے مراکز قائم کیے جائیں گے۔

اس حوالے سے سعودی وزارت بلدیہ و دیہی امور نے 40 ہزارمربع میٹر یا اس سے زیادہ بڑے تمام تجارتی مراکز اور مالز کے مالکان کو ہدایت کی ہے کہ بچوں کی دیکھ بھال کے لیے کم از کم 50 مربع میٹر کی جگہ مخصوص کریں اور وہاں پر خصوصی چائلڈ کیئر سینٹرز کا اہتمام کیا جائے۔

سعودی ذرائع ابلاغ کے مطابق ان مراکز میں بچوں کی مہمان نوازی اور ان کی ضروریات کے مکمل لوازمات مہیا کئے جائیں گے۔ وزارت کی جانب سےاس ہدایت کا مقصد ملازمت پیشہ خواتین کو مکمل بااختیار بنانا ہے تاکہ وہ تجارتی مراکز میں آسانی سے خدمات انجام دے سکیں اور بچے ان کی ملازمت میں رکاوٹ نہ بنیں۔

واضح رہے کہ سعودی عرب کے تمام بڑے شہروں کے ہر علاقے میں بڑے شاپنگ مالز قائم ہیں جہاں خواتین کے ملبوسات اور متعلقہ اشیا کی دکانوں پر خواتین ملازمت کررہی ہیں۔

وزارت کی اس ہدایت سے سعودی عرب کے نجی شعبہ میں ملازمت پیشہ خواتین کے لیے کام کرنے کے زیادہ مواقع میسر آئیں گے اور نجی شعبہ میں ورکنگ وومن کا تناسب بڑھانے میں مدد حاصل ہو گی۔

Comments

- Advertisement -