ریاض : سعودی عرب میں کام کے دوران ایک پاکستانی مزرود اونچائی سے گر کر شدید زخمی ہوگیا جس کو ریسکیو کرنے کیلئے ایئر ایمبولینس پہنچ گئی۔
مذکورہ پاکستانی کام کے دوران 12 میٹر کی بلندی سے گرا تو ساتھیوں نے ایمرجنسی ڈیپارٹمنٹ کو فون کیا تو عملے نے راستے میں رش کے باعث عام ایمبولینس کے بجائے ہیلی کاپٹر کی صورت میں ایئر ایمبولنس کو بھیج دیا اس تیز رفتار سروس کی وجہ سے محض 15 منٹ میں زخمی پاکستانی کو کنگ فہد اسپتال پہنچا دیا۔
اس تمام واقعے کی وہاں موجود ایک یمنی باشندے نے ویڈیو بنائی اور سعودی محکمہ کی تعریف کرتے ہوئے اسے سوشل میڈیا پر شیئر کردیا، جس پر لوگ تعریفانہ کلمات میں کمنٹس کررہے ہیں۔
یمنی باشندے کا ویڈیو میں سعودی عرب کی شاندار سروس کو خراج تحسین پیش کرتے ہوئے کہنا ہے کہ ہمارا پاکستانی ساتھی 12 میٹر کی بلندی سے نیچے گرا،اور ایئر ایمبولینس نے فوری طور پر پہنچ کر اس کی جان بچالی۔
یمنی باشندے نے مزید کہا کہ اللہ اس کام کا نگہبان ہے، اللہ ساری انسانیت کا بادشاہ ہے۔ اللہ سعودی عرب کے حکمرانوں، اس کے لوگوں اور اس کی فوج کا ہے۔ خدا اس حیرت انگیز وفاداری کے ساتھ ہے۔
یمنی کمنٹیٹر نے مزید کہا کہ مجھے کوئی یورپی ملک یا پڑوسی ملکوں میں سے کوئی ملک بتائیں جو 15 منٹ سے بھی کم وقت میں ایک پاکستانی مزدور کی مدد کے لیے ائیر ایمبولینس بھیج دے۔ اسے انسانیت سے ہمدردی اور وفاداری کہتے ہیں۔
