جمعرات, مئی 15, 2025
اشتہار

سعودی آرامکو نے مائیکرو سافٹ بھی پیچھے چھوڑ دیا، ماہرین حیران

اشتہار

حیرت انگیز

ریاض : معروف امریکی ٹیکنالوجی کمپنی مائیکرو سوفٹ کارپوریشن دنیا کی سب سے زیادہ منافع بخش کمپنی سمجھی جاتی ہے لیکن اب سعودی کمپنی بھی کسی سے پیچھے نہیں رہی۔

سعودی آرامکو دوہزار 240 ارب ڈالر کی مارکیٹ ویلیو کے ساتھ دنیا کی سب سے بڑی مالیتی کمپنی اپیل کے قریب پہنچنے والی ہے جس کی مالیت دو ہزار600 ارب ڈالر ہے۔

عرب نیوز کے مطابق تیل کی بڑی کمپنی آرامکو کے شیئرز بہت تیزی سے بڑھے ہیں اور اس نے مائیکرو سافٹ کو پیچھے چھوڑ کر دنیا کی دوسری بڑی کمپنی کی حیثیت حاصل کی ہے۔

جمعرات کو سعودی وقت دن گیارہ بجے آرامکو کا ایک شیئر 42 ریال (11.2 ڈالر) تک پہنچ گیا۔ دنیا کی بڑی تیل کمپنی نے ساڑھے 15 ارب ڈالر تیل پائپ لائن کا معاہدہ کیا ہے۔

خیال رہے کہ یوکرین پر روس کے حملے کے بعد تیل کی فی بیرل قیمت 100 ڈالر کی حد عبور کر گئی ہے۔ سنہ 2014 کے بعد تیل کی قیمتوں میں پہلی بار اتنا اضافہ دیکھنے میں آیا ہے۔

بدھ کو آرامکو اور بین الاقوامی سرمایہ کار کنسورشیم نے گیس پائپ لائن کے کامیاب معاہدے کا اعلان کیا تھا، اس کنسورشیم میں بلیک راک اور حسنا کمپنیاں شامل ہیں، اس معاہدے کے باعث آرامکو کی مارکیٹ ویلیو دو ہزار 200 ارب ڈالر سے تجاوز کرگئی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں