ریاض : سعودی عرب میں ہوا بازی سے متعلق مستقبل کے چیلنجز سے متعلق کانفرنس کا انعقاد کیا جائے گا فیوچر ایوی ایشن فورم 11مئی کو ریاض میں منعقد ہوگی۔
اس حوالے سے ذرائع کا کہنا ہے کہ سعودی ایوی ایشن گاکا کی جانب سے 3روزہ کانفرنس کاانعقاد کیا گیا ہے ایوی ایشن کانفرنس میں وفاقی وزیر ہوا بازی خواجہ سعد رفیق مصروفیات کے باعث شرکت نہیں کرسکیں گے۔
- Advertisement -
ذرائع کے مطابق کانفرنس میں وفاقی وزیر کی نمائندگی ڈی جی سول ایوی ایشن خاقان مرتضیٰ کریں گے، کانفرنس میں خاقان مرتضیٰ پاکستان میں ہوا بازی سے متعلق تفصیلی رپورٹ بھی پیش کریں گے۔
کانفرنس کا مقصد ہوا بازی کے چیلنجز، ہوابازی کی صنعت کو فروغ دینا اور مسافروں کی سہولیات سے متعلق پر بھی تبادلہ خیال کرنا ہے۔
