The news is by your side.

سعودی نوجوان نے آسٹریلیا میں معمر خاتون کی جان بچا لی

میلبورن: آسٹریلیا میں زیر تعلیم سعودی نوجوان ڈاکٹر نے ایک مقامی معمر خاتون کی مدد کر کے سب کے دل جیت لیے۔

بین الاقوامی ویب سائٹ کے مطابق سعودی نوجوان کنگ فہد میڈیکل سٹی ریاض کے اسکالر شپ پر میلبورن کے آسٹن اسپتال میں ہاؤس جاب کرتے ہیں، وہ ڈیوٹی کے بعد گھر جا رہے تھے کہ کار پارکنگ میں انہیں ایک معمر خاتون خون میں لت پت زمین پر پڑی دکھائی دیں، جو کسی گاڑی کی ٹکر سے زخمی ہوئی تھیں۔

عبدالالہ ندا العنزی نے یہ صورتحال دیکھ کر فوری طور پر خاتون کو ہوش میں لانے کی کوشش کی، خاتون کے ہمراہ ان کا نواسہ بھی تھا۔

سعودی نوجوان نے انہیں تسلی دی اور پھر اسپتال کے ایمرجنسی وارڈ سے رابطہ کیا، فوری طور پر اسپتال کی ایمرجنسی ٹیم موقع پر پہنچ گئی اور خاتون کو ہسپتال لے جایا گیا۔

ایمرجنسی وارڈ میں داخل کروائے جانے کے بعد بھی سعودی نوجوان خاتون کی صحت کے حوالے سے متفکر رہے اور وہیں موجود رہے، العنزی خاتون کے نواسے کو بھی تسلی دیتے رہے جو بہت گھبرایا ہوا تھا اور مسلسل رو رہا تھا۔

سعودی نوجوان کی بروقت مدد کی بدولت خاتون کی جان بچ گئی، آسٹن اسپتال کے منتظمین نے ہمدردانہ اقدام پر عبدالالہ العنزی کا شکریہ ادا کیا اور کہا کہ آپ نے قابل قدر مثال قائم کی ہے۔

یاد رہے کہ سعود ی نوجوان نے آسٹریلیا کی ڈیکن یونیورسٹی سے حال ہی میں ایم بی بی ایس کی ڈگری حاصل کی ہے۔

Comments

یہ بھی پڑھیں