کراچی: سعودی سول ایوی ایشن گاکا نے سعودی عرب آنے والی تمام ایئرلائنز کو خبردار کیا ہے کہ ایئرلائنز کو سعودی عرب میں قرنطینہ کے اصولوں پر عمل کرنا ہوگا۔
تفصیلات کے مطابق سعودی سول ایوی ایشن گاکا کی جانب سے جاری بیان میں کہا گیا ہے کہ سعودی عرب آنے والی ایئرلائنز قرنطینہ طریقہ کار اور ضوابط کی پابندی عمل درآمدکریں ، بعض ایئر لائنز کی جانب سے ہدایات کی خلاف ورزی سامنےآئی ہے۔
سعودی سول ایوی ایشن گاکا نے سعودی عرب آنے والی تمام ایئرلائنز کو متنبہ کردیا ہے کہ ایئرلائنز کو سعودی عرب میں قرنطینہ کے اصولوں پر عمل کرنا ہوگا، ایئرلائنز سعودی عرب آمد پرادارہ جاتی قرنطینہ سہولت کیلئے مطلع کریں گی۔
گاکا کا کہنا ہے کہ پرواز آمد کے چار گھنٹوں میں تنظیمی قرنطینہ کیلئے نہ پہنچنے والے مسافروں کو سہولت دی جاسکے گی تاہم ہدایات نامہ پر عمل نہ کرنے والوں کے خلاف کارروائی کی جائے گی۔
یاد رہے سعودی ایوی ایشن(گاگا) کی جانب سے جاری ہونے والے نئے سفری ہدایت نامہ کے مطابق مملکت آنے والے تمام مسافر کو آن لائن پورٹل پر سفری ڈیٹا اندراج کرانا لازمی قرار دیا گیا ہے، آن لائن پورٹل ڈیٹا میں مسافر ویکسینیشن کی تفصیلات کا اندراج یقینی بنائیں۔ طے کیے گئے اصولوں پر عمل کرنا ہوگا۔
گاگا کا کہنا تھا کہ ایئرلائن اور مسافروں کی ویب سائٹ پر رجسٹریشن فارم پر کرنا بھی لازم قرار دیا گیا ہے، ایئرلائنز ڈیٹا اندراج سے متعلق ہدایات اپنی ویب سائٹ پر مشتہر کریں۔
سعودی ایوی ایشن کے مطابق مسافروں کو دوران بورڈنگ پورٹل کی تفصیلات ایئرلائن کو مطلع کرنا لازمی ہوگا، سعودی شہری اور استثنیٰ رکھنے والے افراد پر آن لائن پورٹل پر ڈیٹا اندراج لاگو نہیں ہوگا۔
ایوی ایشن نے مسافروں کو متنبہ کیا تھا کہ قوائد وضوابط کی خلاف ورزی پر قانونی کارروائی عمل میں لائی جائے گی
