سعودی محکمہ شہری دفاع کی ٹیموں نے بر وقت کارروائی کرتے ہوئے قصیم ریجن کے علاقے بریدہ میں سیلابی ریلے میں پھنسی ایک بس میں موجود طالبات سمیت 9 افراد کی زندگیاں بچالیں۔
بین الاقوامی خبر رساں ادارے کی رپورٹ کے مطابق شہری دفاع نے (سابقہ ٹوئٹر) ایکس اکاونٹ پر بیان میں کہا کہ تمام افراد کی صحت تسلی بخش ہے۔
#الدفاع_المدني ببريدة ينقذ (9) أشخاص احتجزوا في سيل داخل حافلة، وهم بصحة جيدة. pic.twitter.com/VHK8pongO5
— الدفاع المدني السعودي (@SaudiDCD) December 31, 2023
سوشل میڈیا پر ایک ویڈیو گردش کررہی تھی جس میں دیکھا جاسکتا کہ یونیورسٹی کی ایک بس بریدہ کے مشرق میں شعیب الطرفیہ میں سیلابی ریلے میں پھنس گئی۔ شہری دفاع کی ٹیموں نے بر وقت کارروائی کرتے ہوئے بس میں موجود طالبات کی زندگیاں بچالیں۔
محکمہ شہری دفاع کی جانب سے شہریوں اور مقیم غیر ملکیوں سے احتیاطی تدابیر اختیار کرنے، محفوظ مقامات پر رہنے، سیلاب اور وادیوں میں جمع ہونے والے پانی سے دور رہنے اور اس میں تیراکی سے گریز کرنے کی ہدایت کی گئی ہے۔
