سعودی ولی عہد شہزادہ محمد بن سلمان نے اپنے قتل کے خدشے کا اظہار کرتے ہوئے کہا ہے کہ انھیں قتل کرنے کی کوشش کی جا سکتی ہے۔
پولیٹیکو میگزین کی رپورٹ کے مطابق سعودی ولی عہد محمد بن سلمان کا امریکی ارکان کانگریس سے کہنا تھا کہ انھوں نے سعودی اسرائیلی تعلقات کی بحالی اور امریکا کے ساتھ تعاون کی خاطر اپنی جان کو خطرے میں ڈال رکھا ہے۔
محمد بن سلمان نے ایک موقع پر مصر کے مقتول صدر انور سادات کا بھی حوالہ دیا جنھیں اسرائیل کے ساتھ کیمپ ڈیوڈ سمجھوتے کے بعد مار دیا گیا تھا۔
- Advertisement -
انہوں نے امریکی ارکان کانگریس کو یہ بھی بتایا کہ اُن کی خواہش ہے کہ اسرائیل کے ساتھ کسی امکانی معاہدے میں فلسطینی ریاست تک پہنچنے کے حقیقی راستے بھی شامل ہوں۔ خاص طور پر ایسے وقت میں جبکہ اسرائیل کے خلاف عربوں میں شدید غم و غصہ ہے۔
