ریاض: سعودی ولی عہد محمد بن سلمان نے آرمی چیف جنرل قمر جاوید باجوہ کے اعزاز میں عشائیہ دیا۔ ملاقات میں باہمی دلچسپی اور علاقائی سیکیورٹی کے امور پر تبادلہ خیال ہوا۔
پاک فوج کے شعبہ تعلقات عامہ آئی ایس پی آر کے ڈی جی میجر جنرل آصف غفور کے مطابق آرمی چیف کو سعودی ولی عہد محمد بن سلمان نے عشائیہ گزشتہ رات منیٰ میں دیا۔
سعودی ولی عہد نے آرمی چیف جنرل قمر جاوید باوجوہ کو حج کی مبارکباد بھی دی۔
آئی ایس پی آر کے مطابق ملاقات میں باہمی دلچسپی اور علاقائی سیکیورٹی کے امور پر تبادلہ خیال بھی کیا گیا جبکہ سعودی ولی عہد نے نئی منتخب حکومت کے لیے نیک خواہشات کا اظہار کیا۔
اس موقع پر آرمی چیف نے پاکستان سے بھرپور تعاون پر سعودی ولی عہد کا شکریہ ادا کیا۔
خیال رہے کہ گزشتہ روز آرمی چیف جنرل قمر جاوید باجوہ نے حج کی سعادت حاصل کرلی ہے۔
0
20
