سعودی ولی عہد و وزیراعظم شہزادہ محمد بن سلمان کی جانب سے پبلک انویسٹمنٹ فنڈ کی ایک اور کمپنی ’آلات‘ کے قیام کی منظوری دیدی گئی ہے۔ جس کے باعث ہزاروں افراد کو ملازمتیں میسر آئیں گی۔
غیر ملکی ذرائع ابلاغ کے مطابق نئی قائم کی گئی کمپنی ’الات‘ الیکٹرانکس اور جدید صنعتوں کا اہم ادارہ ہوگا۔ نئی کمپنی سے براہ راست 39 ہزار ملازمتیں ملیں گی۔
شہزادہ محمد بن سلمان پبلک انویسٹمنٹ فنڈ کے بورڈ آف ڈائریکٹرز کے چیئرمین بھی ہیں۔ جبکہ اس سے سال 2030 تک تیل کے ماسوا مجموعی پیداوار میں اس کا براہ راست حصہ 35 بلین ریال تک پہنچ جائے گا۔
نئی قائم کی جانے والی کمپنی سے صنعتی اور الیکٹرانکس کے شعبوں میں بھی مقامی سطح پر ملازمتوں کے نئے مواقع پیدا ہوں گے۔ مملکت میں جدت طرازی اور صنعتی ترقی کو فروغ ملے گا۔
لانچ کی جانے والی نئی کمپنی ’آلات‘ کے تحت مملکت میں صاف توانائی کی پیداوار پر خاص اہمیت اہمیت دی جائے گی۔ 2060 تک کاربن نیوٹرل اہداف تک پہنچنے کے لیے بین الاقوامی کمپنیوں کے لیے پائیدار مینوفیکچرنگ حل فراہم کرنے پر توجہ مرکوز کرے گی۔
’الات‘ کمپنی کا قیام پبلک انویسٹمنٹ فنڈ کی حکمت عملی کے مطابق ہے جس سے بین الاقوامی صنعتی کمپنیوں کو مملکت کی معیشت اور یہاں کے منفرد جغرافیائی محل وقوع اور تکنیکی شعبے میں سرمایہ کاری کے مواقع میسر آئیں گے۔
سعودی فرمانروا کی ضیافت میں عمرہ پروگرام کا دوسرا مرحلہ
علاوہ ازیں اس کا مقصد مملکت کی معیشت کو متنوع بنانا اور پائیدار ترقی حاصل کرنا ہے جو سعودی عرب کے ویژن 2030 کے اہداف کے مطابق ہے۔ اس کے باعث مختلف صنعتوں اور دیگر ترجیحی شعبوں سے متعلق امور کے حوالے سے مقامی سطح پر بھی مزید بہتری آئے گی۔
