روس اور سعودی عرب نے یوکرین کی صورتحال حل کرنے کے لیے اقدامات پر اتفاق کرلیا، روس کے صدر ولادیمیر پیوٹن نے جنگ بندی کی امریکی تجویز سے اتفاق کیا ہے۔
روسی میڈیا کے مطابق روس کے صدر ولادیمر پیوٹن اور سعودی عرب کے ولی عہد شہزادہ محمد بن سلمان کا ٹیلیفونک رابطہ ہوا ہے۔
خبر رساں ایجنسی کے مطابق روس اور سعودی عرب نے یوکرین کی صورتحال حل کرنے کے لیے اقدامات پر اتفاق کرلیا، ٹیلیفونک رابطے میں سعودی ولی عہد نے روس اور امریکا کے درمیان تعلقات معمول پر لانے کیلئے کردار ادا کرنے پر آمادگی ظاہر کی۔
سعوی ولی عہد شہزاد محمد بن سلمان سے ٹیلی فونک گفتگو میں روسی صدر نے ریاض کی جانب سے ثالثی کی کوشش کو سراہا، لیکن پیوٹن کا یہ بھی کہنا تھا کہ یوکرین کو مزید شرائط ماننا ہوگی۔
گفتگو میں دونوں رہنماؤں کی جانب سے دوطرفہ تعاون کو مزید فروغ دینے کے طریقوں کا بھی جائزہ لیا گیا۔
اس سے پہلے میڈیا سے بات کرتے ہوئے روس کے صدر نے کہا تھا کہ وہ یوکرین سے جنگ بندی پر تیار ہیں مگر کچھ باریکیوں کا خیال رکھنا ہوگا۔یہ واضح نہیں کہ جنگ بندی کے احکامات کون دے گا اوراس کی قیمت کیا اداکرنا ہوگی۔
روسی صدر نے کہا تھا کہ وہ جنگ بندی کی تجویز کی حمایت کرتے ہیں لیکن کچھ معاملات ہیں جن پر امریکی صدر سے ہمیں بات چیت کرنے کی ضرورت ہے۔
دوسری جانب امریکی صدرڈونلڈٹرمپ نےکہا روسی صدر ولادیمیرپیوٹن کا جنگ بندی سے متعلق امریکی تجویز پر بیان نامکمل ہے، امید ہے روس جنگ بندی کی تجویز پر مثبت ردعمل دے گا۔
روس کو شام میں شکست نہیں ہوئی تمام گروپوں سے تعلقات ہیں: پیوٹن
