ریاض: سعودی ایئر فورس کا تربیتی طیارہ مشن کے دوران گر کر تباہ ہوگیا۔
سرکاری خبر رساں ایجنسی ایس پی اے کے مطابق سعودی وزارت دفاع کے سرکاری ترجمان بریگیڈیئر جنرل ترکی المالکی نے ایک بیان میں حادثے کی تفصیلات بتائیں۔
ترجمان کا بتانا ہے کہ سعودی رائل ایئر فورس کا لڑاکا طیارہ بدھ کی سہ پہر تربیتی مشن کے دوران گر کر تباہ ہوگیا، جس میں موجود عملے کے ارکان ہلاک ہوگئے۔
ترجمان کے مطابق بدھ 26 جولائی کو رائل ایئر فورس کا ایک لڑاکا طیارہ ایف 15 ایس اے خمیس مشیط کے کنگ خالد ایئربیس کے تربیتی علاقے میں ایک تربیتی مشن کے دوران گر کر تباہ ہوا۔
سرکاری ترجمان نے حادثے میں طیارے کے عملے کی ہلاکت کی بھی تصدیق کی ہے، ایک تحقیقاتی کمیٹی نے حادثے کی وجوہ جاننے کے لیے تحقیقات شروع کردی ہے۔
