تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عالمی فلمی میلے میں سعودی فلم ’ارتداد‘ بھی منتخب

ریاض : کلیئر مون فیران کے 42 ویں بین الاقوامی فلمی مقابلے کیلئے 80 فلمیں نامزد کردی گئی جن میں سعودی فلم ’ارتداد‘ بھی شامل ہے۔

غیر ملکی خبر رساں ادارے کی رپورٹ کے مطابق سعودی فلم ’ارتداد‘ کنگ عبدالعزیز انٹرنیشنل کلچرل سینٹر (اثرائ) نے تیار کی ہے، جس کے ذریعے سعودی عرب کے جنوبی دیہی علاقوں کی مقامی تہذیب کو اجاگر کرنے کی کوشش کی گئی ہے۔

واضح رہے کہ کلیئر مون فیران بین الاقوامی فلمی میلہ 31 جنوری سے 8 فروری 2020 تک فرانس میں منعقد ہوگا۔

کنگ عبدالعزیز انٹرنیشنل کلچرل سینٹر (اثرائ) میں فلمی اور تھیٹر آرٹ کے ڈائریکٹر ماجد زہیر سقان کے مطابق فلم کے ہدایت کار محمد الحمود ہیں۔

کنگ عبدالعزیز انٹرنیشنل کلچرل سینٹر کی پالیسی ہے کہ سعودی عرب میں سعودی فلموں کو جدید ذہن کے ساتھ بنایا جائے اور فلموں کی کہانی سعودی معاشرے سے لی جائے۔

ماجد زہیر سقان نے مزید کہا کہ سعودی ہدایت کاروں او رفلم سازوں کو ان کے مشن میں تعاون بھی فراہم کر رہے ہیں، چاہتے ہیں پیشہ ور فنکاروں اور فن کی دنیا میں شروعات کرنے والوں کی حوصلہ افزائی کی جائے تاکہ سعودی عرب میں فلمی صنعت اپنے قدموں پر کھڑی ہو سکے۔

کنگ عبدالعزیز انٹرنیشنل کلچرل سینٹر (اثرائ) فلمسازی کے شعبے میں سعودی عرب میں منفرد عمل کے نئے پیمانے اور نئے ضابطے متعارف کرانے کے لیے کوشاں ہے۔

Comments

- Advertisement -