جدہ سے حجاج کرام کو لے کر لکھنؤ پہنچنے والا طیارہ ایئرپورٹ پر لینڈنگ کے دوران حادثے سے بال بال بچ گیا۔
بھارتی میڈیا رپورٹ کے مطابق جدہ سے حجاج کرام کو لے کر طیارہ لکھنؤ کے اموسی ایئرپورٹ پر لینڈنگ کے دوران پہیہ سے چنگاری اور تیز دھواں نکلنے کی وجہ سے حادثے سے بچ گیا۔
طیارہ کے پہیہ میں آگ لگنے کا یہ واقعہ لینڈنگ کے بعد ٹیکسی وے پر جانے کے دوران ہوا، جس سے طیارہ میں سوار تقریباً 250 لوگوں کی زندگی خطرے میں پڑ گئی تھی۔
ویڈیو میں دیکھا جاسکتا ہےکہ پہیہ میں آگ اور دھواں نکل رہا ہے اور سبھی حجاج کرام اور عملہ کے اہلکار طیارہ میں ہی موجود تھے۔
پائلٹ نے طیارہ کے ذیلی حصے میں چنگاری اور دھواں نکلنے کی اطلاع ایئر ٹریفک کنٹرولر (اے ٹی سی) کو دی۔
خبر ملتے ہی فوراً فائر بریگیڈ کی ٹیم موقع پر پہنچی اور کچھ دیر کی مشقت کے بعد ہی چنگاری اور دھواں کو ختم کر دیا گیا ہے، اس فوری کارروائی کی وجہ سے کوئی بڑا حادثہ ہونے سے بچ گیا۔
