اسلام آباد : سعودی وزیر خارجہ شہزادہ فیصل بن فرحان نے وزیر خارجہ شاہ محمود قریشی سے ملاقات کی ، جس میں خطے کی صورتحال سمیت باہمی دلچسی کے امور پر بات چیت کی گئی ، ملاقات کے بعد پاکستان اور سعودی عرب میں وفود کی سطح پر مذاکرات ہوں گے۔
تفصیلات کے مطابق سعودی وزیر خارجہ شہزادہ فیصل بن فرحان وزارت خارجہ پہنچے ، جہاں وزیر خارجہ شاہ محمود قریشی نے معزز مہمان کا استقبال کیا، سعودی حکومت کا اعلیٰ سطح وفد بھی سعودی وزیرخارجہ کے ہمراہ ہیں۔
Saudi Foreign Minister H.H. Prince @FaisalbinFarhan on arrival at @ForeignOfficePk was warmly welcomed by FM @SMQureshiPTI. During their engagements, the two sides reviewed the entire gamut of bilateral ties, and regional and international issues.@KSAmofaEN @PakinSaudiArab pic.twitter.com/9Gnpo88lhv
— Spokesperson 🇵🇰 MoFA (@ForeignOfficePk) July 27, 2021
سعودی وزیر خارجہ اور وزیر خارجہ شاہ محمود قریشی کے درمیان ملاقات ہوئی ، جس میں خطے کی صورتحال سمیت باہمی دلچسی کے امور پر بات چیت کی گئی ، ملاقات کےبعد پاکستان اور سعودی عرب میں وفود کی سطح پر مذاکرات ہوں گے، جس میں دوطرفہ تعلقات ،علاقائی اور عالمی امور پر تبادلہ خیال کیا جائے گا۔
خیال رہے سعودی وزیر خارجہ پاکستانی ہم منصب کی درخواست پردورہ کررہےہیں، شہزادہ فیصل بن فرحان اپنے دورے کے دوران اعلی ٰحکومتی شخصیات سے بھی ملاقات کریں گے۔
پاکستانی دفتر خارجہ کے ترجمان زاہد حفیظ چوہدری کا کہنا تھا کہ مئی میں وزیراعظم عمران خان کے دورہ سعودی عرب کے تناظر میں سعودی وزیر خارجہ کا دورہ اہمیت کا حامل ہے، اور سعودی وزیرخارجہ کادورہ دوطرفہ تعاون کومزیدوسعت دینےمیں معاون ہوگا۔
