The news is by your side.

Advertisement

سعودی حکومت کا خروج و عودہ اور اقاموں میں مفت توسیع کا اعلان

سعودی محکمہ پاسپورٹ نے براہ راست مملکت آنے پر پابندی والے ممالک کے مسافروں کے خروج و عودہ اور اقاموں میں مفت توسیع کا اعلان کردیا۔

عرب میڈیا کی رپورٹ کے مطابق سعودی عرب کے محکمہ پاسپورٹ نے براہ راست جن ممالک کے شہریوں پر مملکت میں داخلے پر پابندی عائد ہے، ان کی فہرست جاری کی ہے۔

فہرست میں ترکی، لبنان، ایتھوپیا، افغانستان، جنوبی افریقہ، زمبابوے، نمیبیا، موزمبیق، بوٹسوانا، لیسوتو، اسواتینی، ملاوی، زیمبیا، مڈگاسکر، انگولا، سیشلز، ماریشس، جزائر قمر اور نائجیریا شامل ہیں جب کہ کچھ ممالک ایسے ہیں جہاں سعودی شہریوں کے سفر کرنے پر پابندی عائد ہے۔

سعودی حکام نے مذکورہ ممالک سے تعلق رکھنے والے مسافروں کے خروج و عودہ اور اقاموں میں 31 مارچ 2022 تک مفت توسیع کا اعلان کیا ہے۔

سعودی عرب کے محکمہ پاسپورٹ کا کہنا ہے کہ مذکورہ ممالک کے شہریوں کے اقاموں اور خروج و وعودہ میں توسیع خودکار طریقے سے مرحلہ وار ہوجائے گی۔

Comments

یہ بھی پڑھیں