دونوں ممالک میں مثالی رشتہ قائم ہے، جو مزید پائیدار ہوگا، سعودی وزیر اطلاعات
The news is by your side.

Advertisement

دونوں ممالک میں مثالی رشتہ قائم ہے، جو مزید پائیدار ہوگا، سعودی وزیراطلاعات

اسلام آباد : سعودی وزیراطلاعات دورے کے بعد سعودی عرب روانہ ہوگئے، سعودی وزیر کا کہنا ہے کہ دونوں ممالک کے درمیان مثالی تعلقات ہیں جو مزید پائیدار ہوں گے۔

تفصیلات کے مطابق سعودی وزیراطلاعات ڈاکٹرعواد بن صالح تین روزہ دورہ مکمل کرنے کے بعد سعودی عرب روانہ ہوگئے، مہمان وزیر اطلاعات ڈاکٹر عواد بن صالح کی اسلام آباد سے روانگی کے موقع پر وفاقی وزیر اطلاعات فواد چوہدری وفد کے ہمراہ موجود تھے۔

فواد چوہدری نے سعودی وزیر اطلاعات کو یادگار تصویری البم پیش کیا اور گرمجوشی سے الوداع کہا۔

روانگی سے قبل ڈاکٹرعواد بن صالح کا کہنا تھا کہ دونوں ممالک کے درمیان رشتہ قائم ہے، جو مزید پائیدار ہوگا۔

اس موقع ہر فواد چوہدری نے کہا کہ سعودی وزیراطلاعات کا کامیاب دورہ دونوں ممالک کے تعلقات کو مزید استحکام بخشے گا۔

اس سے قبل وفاقی وزیرِ اطلاعات چوہدری فواد حسین نے سعودی عرب کے وزیرِ اطلاعات عواد بن صالح العواد کے تین روزہ دورے کی تکمیل پر کہا تھا کہ پاکستان اور سعودی عرب مختلف شعبوں میں مل کر کام کرنے کے خواہاں ہیں۔

یاد رہے ڈاکٹر عواد بن صالح  وزیرِ اطلاعات فواد چوہدری کی دعوت پر پاکستان آئے تھے، پاکستان کے اپنے دورے میں سعودی وزیراطلاعات ڈاکٹرعواد بن صالح نے صدر پاکستان عارف علوی، وزیراعظم عمران خان، آرمی چیف، اسپیکر قومی اسمبلی اسد قیصر،وزیر خارجہ شاہ محمود قریشی، وزیر اطلاعات چوہدری فواد حیسن اور مذہبی امور کے وزیر سے ملاقاتیں کیں۔

واضح رہے کہ 7 ستمبر کو سعودی وزیراطلاعات عواد بن صالح وفد کے ہمراہ پاکستان پہنچے تھے۔

Comments

comments

یہ بھی پڑھیں